Technik
Was unicycle.tv bietet
- Usschtralig im Windows Media Video, QuickTime ond FlashVideo Format
- Reduntaner Webserver
- Abendig öber redundanti 1 GBit – Leitige
- Konvertierigs-Service för Video Klips (gratis)
- Vermetlig vo Kameras / Kamera Teams / Equipment
- Live- Öberträgige vo Veraschtaltige (Deteils hets witer onde)
- Gratis Usschtralig vo ned komerzielle Eiradvideos (d'Urheberrächt müend eidütig klärt si, Usschtralig cha ned garantiert wärde)
Was sech unicycle.tv wönscht
Öber hontert oder nome schigi Eiradvideos vo üch. Schekid üs eifach e Link oder üchi Video-Datei ond mer luegid öb mer das chönd brenge. Erwönscht esch alles was mer sech cha vorschtelle ond vor allem das wo mer sech ned cha vorschtelle!
Mer wänd alli Videos im wmv ond QuikTime Format sände om möglechscht velne Benotzer grächt zwärde. Äs wär auso gäbig wenn er üches Matrial äntweder als Original (onkomprimiert) oder wmv und QT i folgende Format chönntid scheke:
- Windows Media .wmv in 320x240 met 512Kbit/s
- QuickTime Datei in 320x240
Sötti nor eis Format vorhande si ond s'aster ned grifbar, wärdid mer, im Zwifel natürlech au das sände, söll käs KO-Kriterium si, eifach e Wonsch.
Live Öberträgige
Mer wärdid technisch i de Lag si leif Öberträgige zmache, aber er bruched üchi Helf.
Säged üs of all Fäll wener dänked daser öppis möched wos wärt wär leif z'öberträge. Mer wärded zäe versueche e Wäg z'fende.
Was unicycle.tv suecht
Mer sueched Lüüt fo öberall of de Wält, wo gärn felmed, schnide tüend oder sosch ergend öppis, ond Ziit händ Events för üs ufznä. Es get so fell krassi Veraschtaltige ond mer chönd alles of Sändig nä, dases alli chönd gse.
Es mues nor öpper det si wo allesuf nemd ond üs schekt.